देवघाटका प्रमुख प्रशासकीय अधिकृत सुवेदीको सरुवा

कनिका खबर
भदौ २६, तनहुँ
देवघाट गाउँपालिकाका प्रमुख प्रशासकीय अधिकृत रमेश सुवेदीको सरुवा भएको छ । सुवेदीको तनहुँको घिरिङ गाउँपालिकामा सरुवा भएको हो । सुवेदी विगत तीन वर्षदेखि देवघाट गाउँपालिकाको प्रमुख प्रशासकीय अधिकृतको रुपमा कार्यरत हुनुहुन्थ्यो । संघीय मामिला तथा सामान्य प्रशासन मन्त्रालयले मंगलबार सुवेदीको सरुवा गरेको हो । यसैबीच, देवघाटको प्रमुख प्रशासकीय अधिकृतको रुपमा तनहुँको बन्दीपुर गाउँपालिकाबाट नरहरि सापकोटा आउनु हुने भएको छ ।