कनिका खबर
कार्तिक ४, बैतडी
बैतडीको प्रशिद्ध धार्मिक स्थल ईश्वरी गंगा धाम देखी जगन्नाथ गढी जोड्ने नेपालको सबैभन्दा बढि सिढी भएको पदमार्ग निमार्ण सुरु भएको छ । एक व्यक्ती एक सिंढी अभियान सञ्चालन गरेर ८ हजार ८ सय ४८ सिंढी निर्माण गर्न लागिएको हो । प्रशिद्ध धार्मिक स्थल ईश्वरी गंगा धाम देखी जगन्नाथ गढी जोड्ने २ हजार १ सय २१ मिटर लामो पदमार्ग निर्माण गर्न १० करोड रुपैंया खर्च हुने अनुमान गरिएको छ । डिपीआर नै बनाएर ३ बर्षमा सक्ने लक्ष्यका साथ कामको सुरु गरिएको प्रचारप्रसार समितिका संयोजक बाशु भट्टले जानकारी दिनुभयो । पद मार्गमा ८ हजार ८ सय ४८ ओटा सिंढी निर्माण गरिने छ । जन श्रमदान बाट निमार्ण गर्न लागीएको पदमार्गमा १ सय युवाहरुले ३ बर्ष सम्म रोजगारी पाउने पदमार्ग निमार्ण समीतीका संयोजक तथा उद्योग बाणिज्य संघ बैतडीका अध्यक्ष नर बहादुर चन्दले बताउनुभयो । एक व्यक्ती एक सिंढी अभियान सञ्चालन गरेर निमार्ण गर्न लागिएको पदमार्गका लागि स्थानीय र प्रदेश सरकारले आवश्यक सहयोग गर्ने प्रतिबद्धता जनाएका छन् । २ हजार १ सय २१ मिटर लम्बाई रहेको पदमार्गमा ५ प्रतिक्षालय , ६० सौर्यबत्ति , २ ओटा शौचालय , र ९ ओटा प्रबेश द्धारा निमार्ण गरिने छ । प्रवित्र तिर्थस्थल ईश्वरीगंगाधाम– जगन्नाथ मन्दिर जोड्ने पदमार्ग निर्माणपछि पर्यटन प्रवद्र्धनमा सहयोग पुग्ने स्थानीयले अपेक्षा गरेका छन् ।
मा प्रकाशित
