मा प्रकाशित
कनिका खबर
कार्तिक १६, नुवाकोट
नुवाकोटमा कामकारवाहीको प्रभावकारिताका सम्वन्धमा धारणा बुझ्न जिल्ला प्रशासन कार्यालयले सेवाग्राहीसँग सर्वेक्षण लिन थालेको छ । प्रशासन कार्यालयबाट हुने काम कारबाहीका विषयमा पहिलो पटक सेवाग्राही सन्तुष्टि सर्वेक्षण फारम भरेर तथ्याङ्क सङ्कलन सुरू गरेको हो । कार्यालयबाट हुने दैनिक सेवा प्रवाहका विषयमा सेवाग्राहीबाट सन्तुष्टि सर्वेक्षण सुरु गरिएको प्रमुख जिल्ला अधिकारी झंकनाथ ढकालले बताउनुभयो । कार्यालयबाट प्रदान गरिने सेवालाई अझ प्रभावकारी बनाउनका लागि सेवाग्राही सन्तुष्टि सर्वेक्षण थालिएको ढकालको भनाइ छ । कार्यालयमा भइरहेको सेवाका सम्बन्धमा सेवाग्राहीको सन्तुष्टिको स्तरमापन गर्न र सेवा प्रवाहमा सुधार गर्न पृष्ठपोषण प्राप्त गर्ने अभिप्रायले सेवाग्राही सन्तुष्टि सर्वेक्षण फाराम लागू गरिएको उहाँले बताउनुभयो ।
