मा प्रकाशित
कनिका खबर
कार्तिक २५, धादिङ ।
अब धादिङमा पनि पिसिआर जाँच हुने भएको छ । कोरोना सङ्क्रमितको सङ्ख्या बढ्न थालेसँगै आरटी पिसिआर परीक्षण गर्न माग भएको बेला धादिङमै पिसिआर परीक्षण हुने भएको हो ।
कोरोना लागे नलागेको परीक्षण गर्ने पिसिआर मेसिन राखेर धादिङबेंसीमा स्वाब परीक्षण गर्ने नीतिगत निणर्य भएको जिल्ला समन्वय समितिका प्रमुख जगन्नाथ नेपालले बताए ।सांसद खेम लोहनी, भूमि त्रिपाठी र जिल्ला समन्वय समितिका प्रमुख नेपालको पहलमा पिसिआर मेसिन जिल्लामा ल्याउन लागिएको हो । राष्ट्रिय योजना आयोगका उपाध्यक्ष डा पुष्पराज कँडेलको अध्यक्षतामा बसेको केन्द्रीय कोरोना कोषको बैठकले रु एक करोडको लागतमा पिसिआर मेसिन खरिद गर्ने प्रक्रिया अघि बढेको बताइएको छ ।
