कनिका खबर
माघ २०, काठमाडौं
अमेरिकी राष्ट्रपति जो बाइडनले म्यान्मारमा सैनिक कू भएपछि सेना विरुद्ध कडा कदम चाल्ने चेतावनी दिनुभएको छ । म्यान्मारका नेता आङ सान सुचीसहित सबै प्रजातान्त्रिक नेताहरूलाई सेनाले हिरासतमा लिएर सत्ता आफ्नो हातमा लिएपछि अमेरिकी राष्ट्रपति बाइडेनले सेनाविरुद्धको कदम चालिने धम्की दिनुभएको हो । बाइडनले म्यान्मारको सेनालाई तत्काल सत्ता छोड्न भन्दै त्यसो नभए अमेरिकाले उचित कदम चाल्ने चेतावनी समेत दिनुभएको छ । यस्तै अमेरिकी सिनेटका वरिष्ठ रिपब्लिकन मिच मक्कोनेलले नेतृ सुकीको गिरफ्तारीलाई ‘भयभीत पार्ने’ भनी व्याख्या गर्नुभएको छ । यसैबीच संयुक्त राष्ट्रसङ्घको सुरक्षा परिषद्ले आज म्यानमारमा भएको कूबारे छलफल गर्न आपत्कालीन बैठक गर्ने तयारी गरेको छ । युरोपेली सङ्घ, जापान र भारतले म्यान्मारमा प्रजातन्त्र फिर्ता गर्ने ह्वाइट हाउसको मागमा समर्थन जनाएका छन् ।
मा प्रकाशित
