खोटाङका ४८ जनाको पिसिआर रिपोर्ट नेगेटिभ

कनिका संवाददाता
असार ६, खोटाङ
खोटाङका ४८ जनाको पिसिआर रिपोर्ट नेगेटिभ अर्थात कोरोना सङ्क्रमण नभएको पाइएको छ । बन्दाबन्दीका बेला घर फर्किएका स्थानीय, कोरोना संक्रमण रोकथामकाक्रममा खटिएका स्वास्थ्यकर्मी र सुरक्षाकर्मीको पिसिआर रिपोर्ट नेगेटिभ आएको हो । जसमा हलेसी तुवाचुङ नगरपालिकाका मात्र ३९ जना रहेका छन् ।

उनीहरुको स्वाव संकलन गरेर पिसिआर परीक्षणका लागि असार एक गते बिराटनगर पठाइएको नगरपालिकाका स्वास्थ्य शाखाका सह–संयोजक प्रकाश घिमिरेले जानकारी दिनुभयो ।

हलेसी तुवाचुङ नगरपालिकामा हालसम्म एक सय १४ जनाको पिसिआर परीक्षण गरिएकोमा चार जना संक्रमित फेला परेका थिए । साथै संक्रमित सबै निको भएर डिस्चार्ज भइसकेका छन् ।