भारतमा कोरोना संक्रमित हुनेको संख्या साढे पाँच लाख नजिक

कनिका डेस्क
असार १५, दाङ
भारतमा कोरोना भाइरसका कारण संक्रमित हुनेको संख्या पाँच लाख ४८ हजार नाघेको छ । भारतीय स्वास्थ्य मन्त्रालयका अनुसार पछिल्लो २४ घन्टामा भारतमा थप १९ हजार चार सय ५९ जनामा कोरोना भाइरसको संक्रमण पुष्टि भएको छ । यस्तै पछिल्लो २४ घन्टामा तीन सय ८० जनाको मृत्यु भएको छ । योसँगै भारतमा कोरोना भाइरसका कारण संक्रमित हुनेको संख्या पाँच लाख ४८ हजार तीन सय १८ पुगेको छ भने मृत्यु हुनेको संख्या १६ हजार चार सय ७५ पुगेको छ । भारत दक्षिण एसियामा सबैभन्दा बढी प्रभावित मुलुक हो । भारतको सबैभन्दा बढी प्रभावित राज्य महाराष्ट्र हो । त्यसपछि क्रमशः राजधानी दिल्ली, तमिलनाडू, गुजरात, राजस्थान प्रभावित भएका छन् ।