मा प्रकाशित
काठमाडौं । सरकारले नापी र मालपोत सेवालाई एकीकरण गर्दै स्थानीय तहसम्म विस्तार गर्ने भएको छ ।
राष्ट्रपति रामचन्द्र पौडेलले सोमवार संयुक्त संसद्मा पेस गरेको नीति तथा कार्यक्रममा उक्त विषय उल्लेख गरिएको हो । जग्गा प्रशासन सेवा चरणबद्ध रूपमा स्थानीय तहमा विस्तार गर्ने सरकारको योजना रहेको नीति कार्यक्रममा उल्लेख छ ।
राष्ट्रपति पौडेलले आधुनिक प्रविधिबाट भूमिको नाप नक्सा गरी अभिलेख अद्यावधिक गर्ने प्रक्रिया अघि बढाइने समेत बताए । ‘नापी र मालपोत सेवालाई एकीकरण गरी जग्गा प्रशासन सेवा चरणबद्ध रूपमा सबै स्थानीय तहमा विस्तार गरिने भएको छ । आधुनिक प्रविधिबाट भूमिको नाप नक्सा गरी अभिलेख अद्यावधिक गर्ने प्रक्रिया अघि बढाइनेछ, नीति तथा कार्यक्रममा उल्लेख छ ।
