अन्तर्राष्ट्रिय शैक्षिक सहकार्य विस्तार गर्न त्रिविद्वारा ‘कन्ट्री फोकल पर्सन’ आह्वान – Kanika Khabar
Tuesday, November 17Nepali News Portal

अन्तर्राष्ट्रिय शैक्षिक सहकार्य विस्तार गर्न त्रिविद्वारा ‘कन्ट्री फोकल पर्सन’ आह्वान

    मा प्रकाशित

काठमाडौं । त्रिभुवन विश्वविद्यालय (त्रिवि) ले अन्तर्राष्ट्रिय शैक्षिक सहकार्य विस्तार गर्ने उद्देश्यले विभिन्न देशका लागि ‘कन्ट्री फोकल पर्सन’ नियुक्त गर्न आवेदन आह्वान गरेको छ ।

विश्वविद्यालयको अन्तर्राष्ट्रिय सम्बन्ध केन्द्रले हालै स्वीकृत ‘त्रिविको अन्तर्राष्ट्रियकरणसम्बन्धी निर्देशिका, २०२६’ अनुसार इच्छुक स्थायी प्राध्यापकबाट आवेदन माग गरेको हो । उपकुलपतिबाट नियुक्त हुने उक्त पद मानार्थ तथा स्वयंसेवी हुने छ भने कार्यकाल सुरुमा दुई वर्षको रहने छ ।

नियुक्त व्यक्तिले सम्बन्धित देशका विश्वविद्यालयसँग भएका सम्झौता कार्यान्वयन तथा सक्रिय बनाउने, संयुक्त अनुसन्धान, विद्यार्थी तथा प्राध्यापक आदानप्रदान प्रवर्द्धन गर्ने, अनुसन्धानका लागि आर्थिक स्रोत खोज्ने र विदेशी विद्यार्थीलाई त्रिविमा आकर्षित गर्न सहजीकरण गर्ने जिम्मेवारी पाउने छन् ।

इच्छुक स्थायी प्राध्यापकले आगामी मंसिर १० गते (नोभेम्बर २५) भित्र अनलाइन आवेदन दिन सक्नेछन् । आवेदनसँगै अन्तर्राष्ट्रिय अनुभव, व्यक्तिगत विवरण र आगामी दुई वर्षको कार्ययोजना पेस गर्नुपर्नेछ । त्रिविले आवेदकको अन्तर्राष्ट्रिय अनुभव, सम्बन्धित देशसँगको सम्पर्क र सहकार्य विस्तार गर्न सक्ने क्षमताका आधारमा छनोट गर्ने जनाएको छ ।

 

"कनिका खबर डट कम"

यो नेपाली भाषाको डिजिटल पत्रिका हो । हामी तपाईंहरूका सामु छुटै महत्वको साथ समाचार पस्कदै छौँँ । हामी सधैं तपाईंको रचनात्मक सल्लाह र सुझावको अपेक्षा गर्दछौं । हामीलाई पछ्याउनुभएकोमा धन्यवाद । हरपल तपाईंको समाचारको साथी कनिका खबर  [Email : kanikakhabar@gmail.com]

     
प्रतिक्रिया दिनुहोस्