कनिका खबर
भदौं १५, झापा
मेची अञ्चल अस्पताल भद्रपुरको नव निर्मित भवनमा कोरोना संक्रमितको उपचारका लागि कोभिड अस्थायी उपचार केन्द्र स्थापना भएको छ । उपचार केन्द्रमा ७५ बेड क्षमता रहने छ भने २ जना बिशेषज्ञ सहितको स्वास्थ्यकर्मी सहितको टोलीले २४ घण्टा सेवा दिनेछन् ।
संघीय सरकारको सहयोगमा बनेको नयाँ भवनलाई आवश्यकताको आधारमा अस्थायी रुपमा कोभिड उपचार केन्द्रको रुपमा सञ्चालन गरिने निर्णय भएसंगै आजबाट कोरोना संक्रमितहरुलाई राखेर उपचार सेवा सुरु हुनेछ । हाल अस्पतालमा रहेका २२ जना सङ्क्रमितलाई समेत सोही केन्द्रमा सारिने छ । अस्पतालको आइसोलेशन कक्षमा भने कोभिडको संभावित लक्षण देखिएका बिरामीहरुलाई राखिने समेत अध्यक्ष पोर्तेलले बताउनु भयो ।
कोभिड उपचार केन्द्रलाई प्रदेश सरकारले सहयोग गरेको छ । त्यस्तै स्थानीय उद्योगी, ब्यवसायीको सहयोगमा अस्पताल ब्यवस्थापन पक्षको अगुवाईमा उपचार केन्द्र सुरु गर्न लागिएको पोर्तेलले जानकारी दिनु भयो ।
