मा प्रकाशित
कनिका खबर
भदौ १७, रुपन्देही ।
कोरोना विषेश अस्थायी अस्पताल बुटवलमा बुधबार एक कोरोना सङ्क्रमित महिलाको मृत्यु भएको छ । कपिलवस्तुकी ती महिलाको कोरोना विषेश अस्थायी अस्पताल बुटवलमा मृत्यु भएको हो ।
कपिलवस्तु नगरपालिका वडा नंं. ११ की ६० वर्षीया महिलाको उपचारका क्रममा बुधबार आज बिहान मृत्यु भएको हो ।
उनमा कोरोना पोजेटिभ देखिएपछि भदौ ७ गते अस्पताल भर्ना गरिएको थियो । उनको सोही दिनदेखि आइसियूमा राखेर उपचार भइरहेकोमा बुधबार बिहान ९ः१५ बजे मृत्यु भएको अस्पतालका सूचना अधिकारी डा. विष्णु गौतमले जानकारी दिए ।
संक्रमित महिलामा उच्च रक्तचापलगायत दीर्घ रोग रहेको अस्पतालले जनाएको छ ।
