कनिका खबर
भदौै ९, दाङ ।
आज राति दाङमा आएको अविरल वर्षापछिको बाढीले कुखुरा बोकेको बोलेरो गाडी र कुखुरा फर्म बगाएको छ । तुलसीपुर–घोराही सडक खण्डमा पर्ने हापुर खोलामा आएको बाढीले एउटा बोलेरो गाडी बगाएको छ ।
जिल्ला प्रहरी प्रबक्ता डिएसपी सुमित खड्काका अनु्सार ना ४ च १४४६ नम्वरको उक्त बोलेरो गाडी बगाउँदा ३ हजार कुखुराका चल्ला नष्ट भएका छन् ।
जसवाट तीन लाख बढीको नोक्सानी भएको डिएसपी खड्काले जानकारी दिए । गाडी विहान साढे ६ बजेतिर बगाएको बताइएको थियो ।
त्यस्तै तुलसीपुर उपमहानगरपालिका वडा नं. ८ चमेरे खोलामा आएको बाढीले स्थानीय राजकुमार वलीको कुखुराको फर्म नै बगाएको छ।
वलीको २२ दिनका एक हजार बढी चल्ला र १० बोरा दाना बगाएको ईलाका प्रहरी कार्यालय तुलसीपुरका प्रबक्ता प्रहरी निरीक्षक चक्रडम्मर पालले जानकारी दिए । त्यसवाट वलीको चार लाख बढीको क्षति भएको अनुमान गरिएको उनले बताए ।
