कनिका खबर
असोज ११, कालिकोट
कालिकोट जिल्लामा रहेको जिल्ला आर्युबेद स्वास्थ्य केन्द्रमा बिरामी आउन छोडेका छन् । पहिला कार्यालय रहेको ठाउँबाट नयाँ ठाउँमा कार्यालय सर्दा सेवाग्राहीलाई कार्यालय भेटाउनै मुस्कील छ । कर्णाली सरकारले जनस्वास्थ्य कार्यालय, जिल्ला स्वास्थ्य कार्यालय आयुर्बेद स्वास्थ्य केन्द्रलाई एकिकृत गर्दा बिरामीहरु अलमलमा परेका छन् । जिल्ला अस्पतालको छेउमा नयाँ भवन भाडामा लिएर आर्युबेद स्वास्थ्य केन्द्र संचालन गरिएको छ । बिरामीहरु पहिलाको कार्यालय खोज्दै सदमुकामको तल्लो बसपार्क नजिकै भौतारीरहेको भेटिन्छन् । कार्यालय एकिकृत हुँदा आयुबेद स्वास्थ्य केन्द्रमा सेवा लिने सम्पुर्ण बिरामीहरु अहिले बजारको महंगो औषधी लिन बाध्य भएका छन् । कर्णाली प्रदेशका १० जिल्लामा २९ जनाको दरबन्दी कटौती समेत गरिएको छ । आयुर्बेद शाखामा काम गर्ने २९ जनाको दरबन्दी कटौती पछि कर्णाली प्रदेशका जिल्लामा सञ्चालन रहेका आयुर्बेद स्वास्थ्य केन्द्रहरुमा दरबन्दीको समेत कमि छ । आर्युबेद स्वास्थ्य केन्द्र कालिकोटमा मात्र ४ जनाको दरबन्दी कटौती गरिएको बरिष्ठ बैद्य लक्ष्मी प्रसाद पाण्डेले बताउनुभयो । अस्पतालमा सेवा लिन आएका बिरामीहरुलाई अस्पतालकै कर्मचारीहरुले आयुर्बेद शाखामा नपठाएको पाण्डेले गुनासो गर्नुभयो ।
मा प्रकाशित