दाङमा विभिन्न मुद्दामा फरार ४४ जना अभियुक्त पक्राउ

कनिका खबर
कार्तिक २५, दाङ ।
दाङमा विभिन्न मुद्दामा फरार ४४ जना अभियुक्त पक्राउ परेका छन् । विभिन्न मितिमा अपराधिक क्रियाकलापमा संलग्न भएका ४४ जना फरार अभियुक्तहरु पक्राउ परेका हुन् । अदालतबाट दोषी करार गरिएका फरार व्यक्तिहरुको खोजी गर्दा ०७७ साल बैशाख १ गतेदेखि कार्तिक २५ गतेसम्म ४४ जना पक्राउ परेको जिल्ला प्रहरी कार्यालय दाङले जनाएको छ ।
पक्राउ परेका अभियुक्तहरुमध्उे कर्तव्य ज्यान मुद्दामा संलग्न ६, ज्यान मार्ने उद्देश्यमा संलग्न २, सवारी ज्यानमा संलग्न २, जबरजस्ती करणीमा संलग्न ५, मानव बेचविखनमा संलग्न १, लागु औषधमा संलग्न ४, बहुविवाहमा संलग्न २, चोरीमा संलग्न १० , लेनदेनमा संलग्न ३ , सा. शा. वि. क मा संलग्न ६ र वनसम्वन्धि अपराधमा संलग्न २ जना रहेका जिल्ला प्रहरी कार्यालय दाङका प्रवक्ता सुमित खड्काले जानकारी दिएका छन् । पक्राउ गरिएका फरार प्रतिवादीहरुबाट ३ लाख ८१ हजार ८ सय ६६ रुपियाँ जरिवाना असुल गरिएको छ ।