मा प्रकाशित
कनिका संवाददाता
जेठ१६, दाङ ।
काेराेना विशेष अस्पताल बेलझुण्डीमा उपचाररत काेराेना सङ्क्रमितका बिरामीहरू निकाे हुने क्रम जारी भएकाे छ । आज शुक्रबार कोरोना विशेष अस्पताल बेलझुण्डीमा भर्ना भएका आठ जना कोरोना संक्रमित बिरामी निको भएर घर फर्किएका छन् । बाँके नरैनापुरका ३ जना, कपिलवस्तु कृष्णनगरका २ जना, कपिलवस्तु शिवराज नगरपालिका वडा नं ११का १ जना, गान्धीनगर कपिलवस्तुका १ जना र दाङ गढवा गाउँपालिका वडा नं ४ का १ जना गरी आठ जना कोरोना संक्रमित बिरामी निको भएर घर फर्किएका हुन् ।
निको भएर घर फर्किनेहरु १८ वर्षदेखि ४३ वर्ष उमेर समूहका रहेको कोरोना विशेष अस्पताल बेलझुण्डीका सदस्य सचिव डाक्टर सर्वेश शर्माले जानकारी दिए । शुक्रवार अस्पतालले उनीहरुलाई फूलका गुच्छा दिएर विदा गरेको हो । अहिले कोरोना विशेष अस्पतालमा ३७ जना संक्रमितको उचार भैरहेको छ ।
