जेठ २०, दाङ ।
आन्तरिक परामर्शमा घनिभूतमा लागेर एकताका मान्यतालाई अगाडि बढाइरहेको एमालेमा अर्को पराकम्पन गएको छ । नेपाल –खनाल पक्षले डाकेको केन्द्रीय कमिटीको बैठकलाई ओली पक्षले अबैधको संज्ञा दिएको छ । आज बिहीबार नेकपा एमाले ओली पक्षले अवैध बैठकमा सहभागी नहुँन केन्द्रीय सदस्यहरूलाई आग्रह गरेको छ ।
पार्टीबाट निष्कान गरिएका माधव कुमार नेपाल पक्षधरले केन्द्रीय कमिटी बैठक डाकेपछि एक वक्तव्य जारी गर्दै कार्यालय सचिव शेरबहादुर तामाङले अवैध बैठकमा संलग्न नहुन केन्द्रीय सदस्यहरुलाई सचेत गराएका छन् ।
पार्टीले कारवाही गरेका अनधिकृत व्यक्तिले नेकपा एमाले केन्द्रीय कमिटीको बैठक बोलाएको भन्ने सुन्नमा आएको भन्दै उनले निन्दा र भर्त्सना गरेको जनाएका छन् ।
ओली पक्षबाट आएको पत्रले एकताका लागि झनै दूरी बढाएको छ । हिजो डाकिएको स्थायी कमिटीको बैठकममा एकताको अभ्यास जारी रहेको भन्दै आजका लागि बैठक सारिएको थियो । आजको बैठकमा नेपाल —खनाल पक्षका नेताहरु पनि सहभागी हुने चर्चा चलिरहेको बेला सार्वजनिक भएको पत्रले नेपाल खनाल समूहलाई झनै चिढ्याउने काम गरेको नेपाल—खनाल समूहका एक नेताले बताए । ‘एकताका लागि पूयास थालिएको बेला कथित अबैध बैठकको संज्ञा दिनु दूरी बढाउने हो ।’ उनले भने ।
