विश्व फुटबलको सर्वोच्च निकाय फिफाले अफगानिस्तानको महिला खेलाडीको आपतकालीन उद्दारको लागि पहलसुरु गरेको छ ।
फिफाले अफगानिस्तानका महिला फुटबलरलाई उद्दार गर्न विभिन्न राष्ट्रलाई पत्र लेख्दै पहल सुरु गरेको हो ।
विद्रोही समूह तालिबानले सत्ता कब्जा गरेपछि अफगानिस्तानका महिला खेलाडीहरुको ज्यान जोखिममा रहेको भन्दै फिफाले उनीहरुले महिलालाई हेर्ने दृष्टिकोण फरक हुँदा सक्दो छिटो उद्दारका लागि पहल गर्न भनेको छ ।
महिलाले शरीर ढाक्ने बुर्खा लगाउनु पर्ने तथा १० वर्ष माथिका छात्राहरु विद्यालय जान नपाउने नियम रहेको छ । खेलाडीको संगठन फिप्रोले सहयोगको लागि आग्रह गरिसकेको छ । यस्तै खेलाडीहरुले समेत सहयोगको लागि आग्रह गरेका छन् ।