मा प्रकाशित
कनिका डेस्क
जेठ २९, दाङ
भारतमा कोरोना भाइरस कोभिड–१९ बाट मृत्यु हुनेको संख्या आठ हजार नाघेको छ । भारतको स्वास्थ्य मन्त्रालयका अनुसार अहिले सम्म भारतमा कोरोना भाइरसबाट मृत्यु हुनेको संख्या ८ हजार १०२ पुगेको हो । पछिल्लो २४ घण्टामा मात्र भारतमा कोरोना भाइरसको कारण ३ सय ५७ जनाको मृत्यु भएको छ ।
त्यस्तै अहिलेसम्म कोरोना भाइरसबाट संक्रमित हुनेको संख्या पनि भारतमा दुई लाख ८५ हजार ५७९ पुगेको छ । पछिल्लो २४ घण्टामा भारतमा कोरोना भाइरसका सङ्क्रमित नौ हजार ९ सय ९६ पुगेको छ । भारतको सबैभन्दा प्रभावित राज्य महाराष्ट्रमा अहिले सम्म कोरोना भाइरसका ९४ हजार ४१ सङ्क्रमित फेला परेका छन् भने तीन हजार ४३८ जनाको कोरोना भाइरसको कारण मृत्यु भइसकेको छ ।
अहिलेसम्म भारतमा कोरोना भाइरसका एक लाख ४१ हजार २९ संक्रमित निको भएर घर फर्किसकेका छन् ।
