मा प्रकाशित
एसियन सिनियर सेन्ट्रल जोन पुरुष तथा महिला भलिबल च्यालेन्ज कप अन्तर्गत आज नेपालले आयोजक बङ्गलादेशसँग खेल्दैछ । नेपाल र बङ्गलादेशबीचको खेल बिहान ९ः१५ मा सुरु हुनेछ ।
साविक विजेता समेत रहेको महिला टोली आज लगातार तेस्रो जितको खोजीमा हुनेछ । पहिलो खेलमा नेपालले श्रीलङकालाई ३–२ सेटमा हराएको थियो । यस्तै दोस्रो खेलमा माल्दिभ्सलाई ३–० को सेटमा हराएको थियो ।यस्तै पुरुष टोलीले आज श्रीलङ्कासँग प्रतिस्पर्धा गर्नेछ ।
नेपाल र श्रीलङ्काबीचको खेल दिउसो ५ः४५ बजे सुरु हुनेछ ।नेपाल दोस्रो जितको खोजीमा हुनेछ । राउण्ड रोबिनको आधारमा हुने प्रतियोगिताको शीर्ष दुई टोलीले फाइनलमा प्रतिस्पर्धा गर्नेछ ।यस्तै तेस्रो र चौंथो टोलीले तेस्रो स्थानको लागि प्रतिस्पर्धा गर्नेछ ।
