मा प्रकाशित
कनिका खबर
जेठ ३२, दाङ ।
दुबईमा काेभिड १९ का कारण दाङका एक नेपालीको मृत्यु भएको छ । दाङ देउखुरीको राप्ती गाउँपालिका वडा नम्बर १ पाखापानी निवासी ३९ वर्षिय धनीराम सुवेदीको जेठ ३० गते कोरोनाका कारण मृत्यु भएको पारिवारिक स्रोतले जानकारी दिएको छ ।
सुवेदीले दुबईमा अाफ्नै होटल समेत सञ्चालन गर्दै अाएका थिए । होटल सञ्चालनका क्रममा उनी सामाजिक अभियान्ताको रूपमा राहत वितरण गर्दै जाँदा एक्कासी निमोनिया भएपछि २१ दिन हस्पिटलमा भर्ना भएका थिए ।
सुवेदीको दुवईमै पिसिअार परीक्षण गर्दा कोरोना पोजेटिभ देखिएको थियो ।उनको उपचारकै क्रममा निधन भएको बताइएको छ ।
रिपोर्ट झिकाउन नेपालबाट सिफारिस बनाएर दुबईस्थित नेपाली दूतावासमा पठाउनुपर्ने भएकोले आज रिपोर्ट बनाएर पठाउने प्रक्रियामा रहेको पारिवारिक स्रोतले बताएको छ ।
