मा प्रकाशित
कनिका संवाददाता
असार १, दाङ
सरकारले आजदेखि सबै विद्यार्थीका लागि दुर तथा खुला शिक्षा सञ्चालन गरेको छ । वैकल्पिक प्रणालीबाट विद्यार्थीको सिकाइ सहजीकरण निर्देशिका २०७७ जारी गर्दै वैकल्पिक पठनपाठन अघि बढाइएको हो । निर्देशिका अनुसार दुर तथा खुला शिक्षालाई पाँच समूहमा विभाजन गरिएको शिक्षा, विज्ञान तथा प्रविधि मन्त्रालयले जनाएको हो ।
निर्देशिका जारी गर्दै शिक्षा मन्त्रालयले दुरशिक्षा कार्यक्रमलाई कार्यान्वयन गराउन संघ प्रदेश र स्थानीय तहका सम्बद्ध निकायलाई निर्देशन दिइसकेको छ । नेपालमा गत शैक्षिक सत्रको अन्तिम महिना चैतको सुरुदेखि नै नियमित पठनपाठन अवरुद्ध हुँदै आएको छ ।
कोरोना महामारीका कारण लागु गरिएको बन्दाबन्दीका माझ लाखौँ विद्यार्थी अहिले घरमै रहेका छन् । सहरी क्षेत्रका कतिपय निजी विद्यालयले वैशाखदेखि नै अनलाइन कक्षा सञ्चालन गरिरहेका छन् ।
