मा प्रकाशित
आईसीसी पुरुष टी–ट्वान्टी विश्वकप अन्तर्गतको ग्लोबल छनोट ‘ए’ को दोस्रो खेलमा नेपालले आज फिलिपिन्ससँग खेल्दैछ । अल अमेरात क्रिकेट मैदानमा हुने नेपाल र फिलिपिन्सबीचको खेल बिहान ११ः४५ मा सुरु हुनेछ ।
छनोटको समूह ‘ए’ मा रहेको नेपाल आज फिलिपिन्सलाई हराउँदै छनोटमा लगातार दोस्रो जित निकाल्न चाहन्छ । नेपालले फिलिपिन्ससँग पहिलो पटक खेल्न लागेको हो । यसअघि हिजो भएको खेलमा नेपालले ओमानलाई ३९ रनले पराजित गर्दै जित हात पारेको थियो । जितसँगै नेपाल २ अङ्क जोडेर तालिकाको दोस्रो स्थानमा रहेको छ ।फिलिपिन्स भने पहिलो जितको खोजीमा रहेको छ ।
पहिलो खेलमा फिलिपिन्स क्यानडासँग पराजित भएको थियो ।यस्तै नेपालले तेस्रो खेल क्यानाडाविरुद्ध फेब्रअरी २१ मा खेल्ने तालिका रहेको छ।समूह चरणको खेलपछि शीर्ष दुई टोली दुबै समूहबाट सेमिफाइनलमा प्रवेश गर्नेछन् ।
