मा प्रकाशित
चैत्र १, काठमाडौँ ।
साफ १८ वर्ष मुनिको महिला च्याम्पियनसिप फुटबल आजबाट सुरु हुँदैछ । भारतको जमसेदपुरमा सुरु हुने च्याम्पियनसिपको उद्घाटन खेलमा नेपालले आयोजक भारतसँग खेल्ने भएको छ ।
नेपाल र भारतबीचको खेल साँझ ७ः१५ मा सुरु हुनेछ ।नेपाल आज भारतलाई हराउँदै प्रतियोगितामा सुखद सुरुवात गर्न चाहन्छ । तर, उपाधि दाबेदार भारतविरुद्ध जित निकाल्न नेपाललाई सहज भने छैन ।
भारत पनि नेपाललाई हराएर सुखद सुरुवात गर्न चाहन्छ ।डबल राउण्ड रोबिनको आधारमा हुने च्याम्पियनसिपमा नेपाल, भारत र बङ्गलादेशको सहभागिता रहेको छ ।यस्तै नेपालले दोस्रो खेलमा मार्च १७ मा बङ्गलादेशको सामना गर्नेछ भने मार्च २१ मा फेरि भारतसँग खेल्दा नेपालले मार्च २३ मा बङ्गलादेशसँग खेल्नेछ ।
