मा प्रकाशित
कनिका खबर
असार ४, दाङ ।
रूसमा कोरोना भाइरस संक्रमणका कारण झन्डै पाँच सय चिकित्सकहरुको मृत्यु भएको छ । रूसको स्वास्थ्य क्षेत्रमा काम गर्ने सरकारी संस्था रोजद्रावनादजोरले कोरोना भाइरस संक्रमणका कारण हालसम्म पाँच सय जना चिकित्सकहरुको मृत्यु भएको बताएको छ । रोजद्रावनादजोरका प्रमुख अला सामोइलोवाले सुरक्षा उपकरण अभाव र आपूर्तिमा समस्या भएका कारण रूसमा ठूलो संख्यामा चिकित्सकहरुको मृत्यु भएको बताउनुभएको छ । उनले यदि यो समस्या तत्काल समाधान गरिएन भने आगामी दिनमा यो संख्या दोब्बरले बढ्ने चेतावनी समेत दिए । रूसमा हालसम्म कोरोना भाइरस संक्रमणका कारण ५ लाखभन्दा बढी संक्रमित भइसकेका छन् भने ७ हजार ७ सयभन्दा बढीको मृत्यु भइसकेको छ ।
