कनिका संवाददाता
असार ६, सिन्धुपाल्चोक
सिन्धुपाल्चोकमा कोरोना सङ्क्रमितको संख्या २७ पुगेको छ । सङ्क्रमितको संख्या बढ्दा आइसोलेसन कक्ष भरिन थालेका छन् ।
संक्रमित बढ्न थालेसँगै केही दिनमै आइसोलेसन कक्षको अभाव हुने देखिएको छ । हिजो मात्र २१ सङ्क्रमित थपिएका थिए । अब आइसोलेसन कक्षकै चरम अभाव हुने देखिएको प्रमुख जिल्ला अधिकारी उमेशकुमार ढकालले बताउनुभयो ।
जिल्ला कोभिड–१९ बिपद व्यवस्थापन केन्द्र डिसिसिएमसी) का अध्यक्ष समेत रहनुभएका उहाँले भारत र तेस्रो मुलुकबाट स्थानीय फर्किँन थालेसँगै संक्रमित बढिरहेको बताउनुभयो ।