मा प्रकाशित
धनकुटा । धनकुटाको छथरजोरपाटी गाउँपालिका–३ बन्चरेमा यात्रुवाहक सुमो जिप दुर्घटना हुँदा एक जनाको मृत्यु भएको छ भने १० जना घाइते भएका छन् ।
आइतबार बिहान काजीमानेबाट धनकुटातर्फ आउँदै गरेको को १ ज २४९४ नम्बरको सुमो जिप ब्रेक फेल भएर सडकबाट करिब ५० मिटर तल खसेर दुर्घटना भएको प्रहरीले जनाएको छ ।
दुर्घटनामा छथरजोरपाटी–३ की करिब ६० वर्षीया शोकमाया लिम्बुको घटनास्थलमै मृत्यु भएको छ । घाइतेहरूलाई जिल्ला प्रहरी कार्यालय धनकुटाबाट खटिएको प्रहरी टोलीले उद्धार गरी उपचारका लागि जिल्ला अस्पताल धनकुटा पठाएको र घटनाबारे थप अनुसन्धान भइरहेको प्रहरीले जनाएको छ ।
