मा प्रकाशित
अविरल वर्षाका कारण दाङ देउखुरीको विभिन्न क्षेत्र जलमग्न बनेको छ । पूर्व–पश्चिम राजमार्ग आसपासका केही वस्ती तथा राप्ती नदी किनारका वस्तीहरु जलमग्न भएका हुन् ।
बाढीका कारण पानीको निकास नहुँदा घरहरुमा पानी पसेको लमही नगरपालिका वडा नम्बर २ केरुनिया निवासी सुनिता चौधरीले बताइन् ।, ‘देउखुरीमा बाढीको कारण लमही नरपालिका, राजपुर गाउँपालिका, गढवा गाउँपालिका, राप्ती गाउँपालिकाका विभिन्न क्षेत्रहरु जलमग्न बनेको छ ।’
हिजो शुक्रबारदेखिको लगातार वर्षाका कारण लमही नगरपालिकाको गुर्जेहवा, बलामपुर, भुरिपुर, सेमरहवा पूरै जलमग्न भएको छ । खेतमा रहेको धानको विउ वर्षाका कारण बाढीले बगाएको छ । यता लमही नगरपालिका नगर प्रमुख कुलबहादुर केसीले नगरबासीलाई सर्तकता अपनाउन आग्रह गरेका छन् ।
