मा प्रकाशित
कनिका खबर
असार ८, पाल्पा ।
पछिल्लो जानकारी अनुसार पहिरोले पुरिँदा पाल्पामा ज्यान गुमाउनेको सङ्ख्या चार पुगेको छ ।
मंगलबार दिउँसो पहिरोमा थप एक जनाको शव फेला परेसँगै मृत हुनेको संख्या चार पुगेको हो । मंगलबार मृत फेला परेका व्यक्ति झापाको शिवसताक्षी नगरपालिका–८ झिलझिले बुद्धचोकका १८ वर्षीय कुमार तामाङ रहेको प्रदेश ५ ट्राफिक प्रहरी कार्यालय बुटवलका सूचना अधिकारी डीएसपी डिल्लीनारायण पाण्डेले जानकारी दिए ।
पाल्पाबाट रिडी गुल्मी जाँदै गरेको लु १ त १९२८ निर्माण सामाग्री बोक्ने ट्रकमा सवार दुई पुरुषको घटनास्थलमै ज्यान गएको थियो । पहिरोले तानसेन ११ मा पर्ने पाल्पा —रिडी सडक खण्डको लिपिलदेबी मन्दिरको तल सम्मोबारीमा सोमबार बेलुकी चार वटा सवारी साधन बगाएको थियो ।
