विश्वमा कोरोना संक्रमितको संख्या एक करोड नजिक

कनिका खबर
असार ११, दाङ ।
विश्वभर कोरोनाका कारण संक्रमित हुनेको संख्या एक करोड नजिक पुगेको छ । हालसम्मको तथ्यांक अनुसार ९५ लाख २६ हजार भन्दा धेरै मानिसमा यसको संक्रमण पुष्टि भएको हो । ९५ लाख २६ हजार ४ सय ९५ जनामा कोरोनाको संक्रमण पुष्टि हुँदा संक्रमितमध्ये ५१ लाख ७५ हजार भन्दा धेरै मानिस उपचार पछि स्वस्थ भएर घर फर्किएका छन् । पछिल्लो तथ्यांक अनुसार ५१ लाख ७५ हजार ३ सय १९ जना स्वस्थ भएका हुन् । विश्वभर ४ लाख ८४ हजार ९ सय ६० जनाको भने कोरोना संक्रमणका कारण मृत्यु भएको छ ।