कनिका खबर
असार १५, सर्लाही ।
सर्लाहीको धनकौल गाउँपालिकास्थित अन्नपूर्ण चिनी उद्योग रहेको क्षेत्रमा गएराती नेपाल कम्युनिष्ट पार्टी नेकपा र नेपाली काङ्गे्रसका कार्यकर्ताबीचको झडपमा गोली चल्दा १५ जना भन्दा बढि घाईते भएका छन् । घाईतेहरुको जिल्ला अस्तपाल मलङ्गवामा उपचार भइरहेको र सबैको अवस्था सामान्य रहेको सर्लाहीका प्रहरी उपरीक्षक विश्वमणि पोखरेलले जानकारी दिए । झडप हुनुको वास्तविक कारण खुलिसकेको छैन ।
घटनामा संलग्नमध्ये एक जनालाई राति नै नियन्त्रणमा लिइएको र घटनाबारे थप अनुसन्धान भइरहेको प्रहरी उपरीक्षक पोखरेलले बताए । धनकौल क्षेत्रमा चिनी मिलको भुक्तानीको विषयमा नेकपा र काङ्ग्रेसका कार्यकर्ताबीच पटक–पटक विवाद भइरहेको छ । पछिल्लो पटक एक साताअघि सर्लाहीकै रामगनर गाउँपालिकामा नेकपाका एक कार्यकर्ताको हत्या भएपछि सो घटनालाई राजनीतिकरण गरी नेकपा र काङ्ग्रेस कार्यकर्ताले एक अर्काविरुद्ध आन्दोलन गरिरहेका छन् ।
