मा प्रकाशित
कनिका खबर
असार १५, बारा
बारामा हिजो आईतबार थप १२ जनामा कोरोना संक्रमण पुष्टि भएको छ । जिल्लाको सुवर्ण गाउँपालिका वडा नम्बर ४, करैयामाई गाउँपालिका–१ र कलैया उपमहानगरपालिका–७ मा गरी १२ जना संक्रमित थपिएका प्रमुख जिल्ला अधिकारी रुद्रप्रसाद पण्डितले जानकारी दिए ।
संक्रमित हुनेमा तीन जना क्वारअन्टिनमा खटिएका स्वास्थ्यकर्मीसमेत रहेको उनले जानकारी दिए । यससँगै जिल्लामा संक्रमित हुनेको संख्या एकसय २० पुगेको छ । जसमध्ये १९ जना संक्रमितको उपचार भइरहेको छ ।