काठमाडौं, १२ फागुन।
पछिल्लो चरणमा दलगत रूपमा घनिभूत छलफल भइरहेकाे राष्ट्रपति नेपाली काङ्ग्रेसकाे पाेल्टामा पर्ने सम्भावना बढेकाे छ ।
आज शुक्रबार बिहान नेपाली कांग्रेस, माओवादी, जनता समाजवादी र एकीकृत समाजवादी पार्टीका शीर्ष नेताहरुको बालुवाटारमा बसेकाे बैठकले यस्ताे परिणाम निकालेकाे हाे ।
यद्यपि राष्ट्रपतिमा नेपाली कांग्रेस र एकीकृत समाजवादीको दाबी छ तर कांग्रेसले नै राष्ट्रपति लिने सम्भावना रहेको स्राेतले बताएकाे छ ।
बैठकमा एकीकृत समाजवादीले राष्ट्रपति आफ्नो दलले पाउनुपर्ने माग गरेको छ, जसलाई जसपा र माओवादीको समर्थन छ । तर माधवकुमार नेपाललाई राष्ट्रपति बनाउनुपर्ने आफूहरुको शर्त नभएको माओवादी स्राेतले बताएकाे छ ।
कांग्रेस नेताहरुले भने आफ्नो दलले राष्ट्रपति छाडेर सहमति हुन नसक्ने बताएका छन् । ‘साँझ ५ बजे हामी फेरि बस्छौं, राष्ट्रपति कांग्रेसले नै लिने पक्का जस्तै छ’ एक नेता भन्छन् ।
