कनिका संवाददाता
असार १८, मुगु
कर्णाली प्रदेशका जिल्लामध्ये कोरोनाबाट शुन्य रहेको मुगु जिल्लाको उत्तरी भेगमा पर्ने सोरु गाउपालिकामा एक जनामा द्रुत परिक्षण अर्थात आरडिटी रिपोर्ट पोजेटिभ देखिएको छ । सोरुकोटमा रहेको क्यारेन्टटाईनमा रहेका १२ जना मध्ये एक जनामा सोरु गाँउपालिकाको स्वास्थ्य शाखाबाट परिक्षण गर्दा आरडिटी रिपोर्ट पोजेटिभ देखिएको गाउँपालिकाको स्वास्थ्य शाखाले जनाएको हो । आरडिटी पोजेटिभ देखीएको सोरु गाँउपालिका वडा नम्बर तीनका १९ वर्षका एक युवकमा आरडिटी पोजेटीभ देखीएको हो । आरडिटी पोजेटिभ देखीएको व्यक्ति रोजगारीका लागि भारतबाट फर्किका व्यक्ति हुन् । भारतबाट घर आएका व्यक्तिलाई क्यारेन्टटाइनमा राखीएको थियो । पोजेटिभ देखीएको युवालाई सोरुकोटमा रहेको क्वारेन्टटाइनमा छुट्टै एक कोठामा राखीएको र केही दिन भित्र पिसिआर परिक्षण गर्ने सोरु गाँउपालिका स्वास्थ्य शाखा प्रमुख कर्ण सावतले जानकारी दिनुभयो ।
बिगतका दिनमा सोरु गाँउपालिकाले स्वाव २ सय ८४ जनाको र आरडिटी ८४ जनाको परिक्षण गरिसकेको थियो । मुगु जिल्लाका रहेको एक नगरपालिका र तिन गाँउपालिकाले कोरोना संक्रमण रोकथाम तथा नियन्त्रणको लागी भारत बाट आएका ६ सय ३४ जना र अन्य जिल्ला भित्र रहेको पत्रकार स्वास्थ्यक्रर्मी ,सुरक्षाकर्मि , जनप्रतिनिधी र स्थानिय बासि गरी १३ सय ५२ जनाको पिसिआर र ९ सय ४५ जनाको आरडिटी परिक्षण गर्दा सबै जनाको नेगेटिभ आएको थियो । हिजो मात्र सोरु गाँउपालिकामा आरडिटी परिक्षण गर्दा १२ जनाको परिक्षण मध्ये एक जनाको पोजेटिभ देखीएको छ ।
पोजेटिभ देखीएको ब्याक्तिको स्वास्थ्य लाई मध्य नजर गदै थप स्वास्थ्यमा उपचार गर्न र पिसिआर चेक गर्ने गरि सोरु गाँउपालिका संग सहकार्य गरि अगाडी बढेको जिल्ला स्वास्थ्य सेवा कार्यालय मुगुका कार्यालय प्रमुख डा. निर्मल नगरकोटिले जानकारी दिनु भयो ।
मा प्रकाशित
