काठमाडौँ, २३ साउन ।
सरकारले राष्ट्रिय आविष्कार केन्द्रका संस्थापक महावीर पुनलाई विभूषण लिलामी नराख्न सुझाएको छ । पुनले सरकारले प्रदान गरेको विभूषण लिलामीमा राखेपछि सरकारले लिलामीमा नराख्न सचेत गराउँदै पत्राचार गरेको हो । आज मैगलबारगृहमन्त्रालयले पत्राचार गर्दै पुनलाई विभूषण लिलामीमा नराख्न भनेको हो ।
विभूषण लिलामीमा राख्नु गैरकानुनी हुने र राखेमा रद्द हुने जानकारीसहितको पत्र पुनलाई गृहमन्त्रालयले पठाएको हो । पुनले कीर्तिमय राष्ट्रदीप द्वितीय विभूषणसहित विभिन्न मानपदवी लिलामीमा राखेको घोषणा गरेका थिए । कृषि सामग्री कम्पनी सञ्चालनका लागि सरकारले प्रतिबद्धताअनुसारका सहयोग नगरेको भन्दै उनले विभूषण लिलामीमा राखेका हुन् ।