मा प्रकाशित
पाल्पा, १ असोज ।
तीजको नाचगान कार्यक्रममा युवाहरुबिच झडप हुँदा पाल्पामा एक जना युवाको हत्या भएको छ ।
मृत्यु हुनेमा जिल्लाको तिनाउ गाउँपालिका वडा नम्बर २ दोभान घोंडेबासका २४ वर्षीय सुनिल खत्री हत्या भएको जिल्ला प्रहरी कार्यालय पाल्पाले जनाएको छ ।
प्रहरीका अनुसार आइतबार राति साढे १२ बजे ती युवकमाथि चक्कु प्रहार भएको थियो । गम्भीर घाइते खत्रीलाई उपचारका लागि लुम्बिनी प्रादेशिक अस्पतालमा ल्याइएकोमा राती पौने दुई बजे चिकित्सकले मृत घोषणा गरेका थिए।
हत्याको आरोपमा ४ जना युवालाई प्रहरीले नियन्त्रणमा लिएको छ। तर, प्रहरीले थप विवरण खुलाएको छैन ।
