मा प्रकाशित
कनिका संवाददाता
असार २५,नुवाकोट
भरुवा बन्दुकसहित प्रहरीले नुवाकोटका एक युवकलाई पक्राउ गरेको छ । पक्राउ परेका युवकलाई नुवाकोट प्रहरीले अनुसन्धानका लागि हिरासतमा राखेको छ । सदरमुकाम विदुरदेखि २५ किलोमिटर उत्तरमा रहेको तादी गाउँपालिका–५ का रामबहादुर तामाङलाई प्रहरीले घरबाटै पक्राउ गरेको हो । स्थानीय एक युवकको घरमा भरुवा बन्दुक रहेको विशेष सूचनाका आधारमा इलाका प्रहरी कार्यालय खरानीटारबाट खटिएको प्रहरीले पक्राउ गरेको जिल्ला प्रहरी कार्यालय नुवाकोटले जानकारी दिएको छ । उनलाई थप अनुसन्धानका लागि नुवाकोट जिल्ला अदालतमा पेश गरिने प्रहरी नायव उपरिक्षक राजेश थापाले जानकारी दिनुभयो । उहाँका अनुसार पक्राउ परेका तामाङको घरमा खानतलासी गर्दा भरुवा बन्दुक फेला परेको हो । आज तामाङलाई जिल्ला अदालतमा पेश गरिने डिएसपि थापाले जानकारी दिनुभयो ।
