दाङ, १७ कार्तिक ।
दाङको घोराही उपमहानगरपालीका वडा नं १ बुकामा यही कार्तिक २२ गतेदेखि दोस्रो चरिङगे कप सेभेन ए साइड फुटवल प्रतियोगिता हुने भएको छ । गत वर्षदेखि द युनाइटेड युथ क्लब बुकाले सेभेन चरिङगे कप ए साइड फुटवल प्रतियोगिताको आयोजना गर्दै आएको छ ।
यसै अन्तर्गत दोस्रो प्रतियोगिताको रुपमा यही २२ गतेदेखि प्रतियोगिताको आयोजना गर्न लागेको क्लबका सचिव रोशन महराले बताए । स्वास्थ्यका लागि खेलकुद, र घोराही १ बुकामा रहेको चरिङगे दहलाई स्थानीय स्तरमा परिचित गराउने उद्देश्यले विभिन्न संघसंस्थाको आर्थिक सहयोगमा प्रतियोगिता गर्न लागिएको हो । मोफसलमा फुटवल खेललाई बचाईराख्न र नवप्रतिभावान् खेलाडी उत्पादन तथा प्रोत्साहन गर्ने उद्देश्य पनि रहेको द युनाइटेड क्लवका सचिव महराले बताए । सचिव महराले उक्त प्रतियोगितामा घोराही उपमहानगरपालिका भित्रका १९ ओटै वडाबाट प्रतियोगितामा भाग लिन पाउने जानकारी दिएका छन । उक्त प्रतियोगिताको विजेताले नगद रु १५ हजार ट्रफी, मेडल र प्रमाण–पत्र पाउने क्लवका अध्यक्ष फनाधर पोख्रेलले जानकारी दिएका छन ।
प्रतियोगितामा भाग लिन यही १९ गते सम्म समुह दर्ता गरिसक्नुपर्ने र टिम दर्ता शुल्क रु १५०० रहेको पनि क्लव सबैमा आह्वान गरेको छ । टिम दर्ता र थप जानकारीको लागि ९८०६२१८४४३ मा सम्पर्क गर्न सकिने आयोजकले बताएको छ ।