मा प्रकाशित
कनिका संवाददाता
असार २७, सिरहा
सिरहा प्रशासनले कमलानदी छेउका वासिन्दालाई सर्तक रहने आग्रह गरेको छ । लगातारको वर्षाले सिरहा र धनुषाको सीमा नदीको रुपमा बग्ने कमलानदीमा शुक्रवार साँझ पानीको सतह एक्कासी बढ्दै गएपछि जिल्ला प्रशासन कार्यालय सिरहाले जरुरी सूचना निकालेर नदी छेउ लगायतका बस्तीलाई सचेत रहन आग्रह गरेको हो ।
नदी आसपासका नागरिकलाई सतर्क रहन आग्रह गरिएको जिल्ला प्रशासन कार्यालय सिरहाका सूचना अधिकारी कमल आचार्यले बताउनुभयो । उहाँका अनुसार हिजो दिँउसो ४ बजेदेखि कमलानदीमा जल सतह एक्कासी बढ्दै गएको छ । कमलानदीको तल्लो तटिय क्षेत्रमा बसोवास गर्नेहरूलाई डुवानको खतरा बढ्दै गएकोले सर्तकता अपनाउन भनिएको कार्यालयले जनाएको छ ।
