मा प्रकाशित
दाङ, २८ फागुन ।
सरकारले तीन प्रदेशका प्रदेश प्रमुखलाई पदमुक्त गर्न सिफारिस गरेकाे छ । सरकारले गण्डकी, मधेश र सुदूरपश्चिम प्रदेशको प्रदेश प्रमुखलाई पदमुक्त गर्न राष्ट्रपतिसमक्ष सिफारिस गर्ने निर्णय गरेको हाे ।
सिंहदरबारमा आज सोमबार बसेको मन्त्रिपरिषद् बैठकले तीन प्रदेशको प्रदेश प्रमुखलाई पदमुक्त गर्न राष्ट्रपतिसमक्ष सिफारिस गर्ने निर्णय गरेको सरकारका प्रवक्ता रेखा शर्माले जानकारी दिइन् ।
त्यस्तै बैठकले गण्डकीमा डिल्लीराज भट्ट , मधेशमा सुमित्रा भण्डारी र सुदूरपश्चिममा नजिर मियालाई प्रदेश प्रमुखमा मनोनयनका लागि सिफारिस गर्ने निर्णय भएको उनले बताइन् ।
उनले केन्द्र र प्रदेश सरकारलाई सहज ढङ्गले सञ्चालन गर्नका लागि उक्त निर्णय गरिएको जानकारी दिइन् ।
