दाङ, १७ वैशाख ।
दाङको घोराहीमा रहेको राप्ती स्वास्थ्य विज्ञान प्रतिष्ठानमा ठुलो सङ्ख्यामा क्यान्सर परीक्षण गरिएको छ । प्रतिष्ठानमा अत्याधुनिक प्रविधिको माध्यमबाट क्यान्सर परीक्षण गर्न सुरु गरिएको छ ।
प्रतिष्ठानका अनुसार एक हजार बढी विरामीको क्यान्सर भए नभएको बारेमा परीक्षण गरिएको छ । प्रतिष्ठानका कामु निर्देशक डा. रमेश कडेलले प्रतिष्ठानमा सेवा लिन आएका १ हजार ५ सय ९९ जना विरामीहरुको क्यान्सर भए नभएको पत्ता लगाउन परीक्षण गरीएको जानकारी दिए । प्रतिष्ठानमा २०७९ साल फागुनदेखि हिस्टाे प्याथोलोजि(वायोप्सी) परीक्षणको सेवा सुरु भएको थियो । प्रतिष्ठानमा कार्यरत प्याथोलोस्ट डा. मधु सिग्देलले अघिल्लो वर्षको फागुनदेखि हाल चैत सम्म ९ सय ५७ जना बिरामीले हिस्टाे प्याथोलोजीको सेवा लिएको बताए ।
बिरामीको अप्रेसन गर्ने क्रममा मासुको सानो भाग निकालेर क्यान्सर भए नभएको पत्ता लगाउन हिस्टाे प्याथोलोजी गर्ने गरिन्छ । त्यस्तै उनका अनुसार गएको बैशाखदेखि चैत महिनासम्ममा सुइको माध्यमवाट क्यान्सर भए नभएको पत्ता लगाउन ३ सय ९८ जना बिरामीको बायोप्सी परीक्षण गरिएको छ ।
डा. सिग्देलले गएको बैशाखदेखि चैतसम्म पाठेघरको मुखको क्यान्सर भए नभएको पत्ता लगाउन २ सय ४४ जना परीक्षण गरिएको जानकारी दिए ।