बारेकोट गाँउपालिकाका एक हजार ५५ परिवार विस्थापित

कनिका खबर
साउन ४, जाजरकोट
बाढी पहिरोको त्रासले अहिले जाजरकोटको बारेकोट गाँउपालिकाका एक हजार ५५ परिवार विस्थापित भएका छन् । विस्थापित भएकाहरु स्थानीय विद्यालय, गोठ र चौरमा बसिरहेका छन् । पानी पर्न रोकिएपछि केही विस्तारै घर फर्किन थालेका छन् । तर धेरै परिवार अझै पनि घर भन्दा पर बसिररहेका छन् । उनीहरुसँग भएको खाद्यान्न सकिँदै गएको छ । बारेकोटमा किनेर खाने खाद्यान्न पनि अभाव हुन थालेको छ ।

खाद्यान्न नपाईएपछि विस्थापितहरु भोकभोकै बस्न बाध्य भएको गाँउपालिका अध्यक्ष महेन्द्र शाहले जानकारी दिनुभयो । बारेकोट गाँउपालिकामा उत्पादित अन्नले वर्ष दिनमा ५÷६ महिना मात्र खान पुन्ने बाध्यता रहेको पनि उहाँले बताउनुभयो । अधिकाशं मजदुरी गर्न भारत र सिजनको बेला यार्सा सकंलनबाट कमाएको पैसाले जीविको पार्जन गर्दै आएकाहरुलाई झन् बढी समस्या हुन थालेको उहाँको भनाइ छ ।