मा प्रकाशित
कनिका खबर
साउन ७, दाङ ।
नेपालमा १२० दिन पछि आजबाट लकडाउन हटेको छ । कोभिड १९ को महामारीको सङ्क्रमणलाई रोक्न सरकारले लकडाउनको घोषणा गरेको थियो । आजदेखि सरकारले लकडाउन अन्त्यको घोषणा गरेसँगै त्रिभुवन विश्वविद्यालयअन्तर्गतका क्याम्पसहरु आज बुधबारबाट खुल्ने भएका हुन् ।
क्याम्पसहरु खुले पनि विद्यार्थीहरुको नियमित पठनपाठन र पुस्तकालय सन्चालन भने नहुने त्रिवि रजिष्ट्रारको कार्यालयले जारी गरेको सूचनामा उल्लेख छ ।
कोरोना संक्रमण जोखिमका कारणका कारण लकडाउन घोषण भएपछि त्रिविका क्याम्पसहरु पूर्णरुपमा बन्द गरी परीक्षाहरु पनि स्थगित गरिएको थियो ।
शिक्षक तथा कर्मचारीहरुलाई लकडाउन अवधिभर सार्वजनिक विदा दिइएको थियो । यद्यपि त्रिभुवन विश्वविद्यालयले प्रशासन भने असार १ गतेदेखि खोलेको थियो ।
