कनिका खबर
साउन ७, दाङ ।
नेपाली काङ्ग्रेस दाङ जिल्लाका जिल्ला सदस्य कलम ओली तथा क्षेत्रीय प्रतिनिधि डिल्ली बहादुर वलीको ममतामयी आमा लालकुमारी ओलीको १३ औँ दिनको पूण्य तिथिको अवसरमा आज श्रद्धाञ्जलि सभा सम्पन्न भएको छ । नेपाली काङ्ग्रेसका घोराही उपमहानगरपालिका वडा नं. १० का वडा सभापति देव बहादुर वलीको सभापतित्व तथा काङ्ग्रेस क्षेत्र नं. २ का क्षेत्रीय सभापति भूपबहादुर डाँगीको प्रमुख आतिथ्यतामा नारायणपुर सम्पन्न श्रद्धाञ्जलि सभा कार्यक्रममा बोल्ने वक्ताहरुले मृतक लालकुमारीले पार्टीको सुदृढीकरणका लागि खेलेको महत्वपूर्ण भूमिकाको चर्चा गरेका थिए । साथै उनको मृत्युले पार्टीलाई ठूलो क्षति पुगेको बताएका थिए ।
कार्यक्रममा नेपाली काङ्ग्रेसका नेता तथा पूर्व महासमिति सदस्य भरतबहादुर न्यौपाने , नेपाली काङ्ग्रेसका पूर्व महासमिति सदस्य हरि रजौरे, काङ्ग्रेस नेता रेख बहादुर वली लगायतले धारणा राखेका थिए । कार्यक्रममा उपस्थितहरुलाई परिवारका तर्फबाट कालिका बस्नेतले धन्यवाद मन्तव्य व्यक्त गरेकी थिइन् । कार्यक्रमको सहजीकरण काङ्ग्रेस वडा नं. १० का सचिव शिशिर लम्सालले गरेका थिए ।
