मा प्रकाशित
कनिका खबर
साउन १०, सिन्धुली
कोरोनाको महामारीका कारण सरकारले लगाएको लकडाउन अन्त्य भएसंगै सिन्धुलीमा सार्वजनिक सवारी साधन सञ्चालनमा आउन थालेका छन् । चार महिनादेखि थन्किएका सार्वजनिक सवारी साधन सरकारले निर्णय गरेको झण्डै दुई सातापछि सञ्चालन भएका हुन् ।
सुनौलो बीपी यातायात प्रालिका अध्यक्ष कान्छामान बलले हिजो सदरमुकाम सिन्धुलीमाढीदेखि मरिण र दुधौलीसम्म सार्वजनिक सवारी साधन सञ्चालन गरिएको जानकारी दिनुभयो । आजदेखि सिन्धुलीमाढीबाट घुर्मि, नेपालथोक, चकमके र घ्याङलेखसम्म सार्वजनिक सवारी साधन सञ्चालनमा आएको उहाँले बताउनुभयो ।
