मा प्रकाशित
कनिका खबर
साउन १०, पाल्पा
पाल्पाको तानसेन नगरपालिका भित्र यस वर्ष हुने सबै जात्रा तथा मेलाहरु सञ्चालन नहुने भएको छ । जिल्ला प्रशासन कार्यालय, सुरक्षा निकाय, गुठियार तथा धार्मिक संस्थाहरुको संयूक्त बैठकले यस बर्ष सबैखाले जात्रा तथा मेला सञ्चालन नगर्ने निर्णय गरेको हो । तानसेनमा हरेक वर्ष साउन महिनादेखी विभिन्न मेला तथा जात्रा लाग्दै आएको थियो । कोरोना भाइरस संक्रमणका कारण जमघट तथा भिडभाड गर्न नहुने भएकाले यस वर्ष मेला सञ्चालन नगर्ने निर्णय गरिएको तानसेन नगरपालिकाका प्रमुख अशोक कुमार शाहीले बताउनुभयो ।
लकडाउन हटे पनि भदौ १ गतेबाट मात्र लामो रुटका सार्वजनिक सवारी सञ्चालन हुने भएकाले जात्रा हेर्न आउन पनि समस्या रहेको उहाँले बताउनुभयो । यसबर्ष साउन २८ गते परेको पाल्पाको सबैभन्दा ठुलो जात्रा भगवती जात्रा पनी नमनाईने भएको छ ।
