मा प्रकाशित
माधव तिमिल्सैना
साउन ११, अछाम ।
अछाममा ठूलो झुण्डमा सलह देखिएको छ । जिल्लाको कमलबजार नगरपालीका ५ कुईकामा हिजो ठूलो सङ्ख्यामा सलह किरा देखिएको हो । दैलेखको सिमाना हुँदै ठूलो झुण्डमा देखिएको सलहले हिजो मध्यान्ह् १२ बजेतिर कुइकामा मकै तथा धालबाली नष्ट गरेको छ । ठूलो सङ्ख्यामा आएको सलह किराले बालीनाली समेत नष्ट गर्न थालेपपछि किसान चिन्तित बनेका छन् ।
लामो समयको लकडाउनले प्रभाव पारेको कृषि क्षेत्रमा अहिले फेरि सलह नामको किराले बालीनालीमा लाखौँ बराबरको क्षति गरिसकेको स्थानीय कम्मानसिंह भुलले जानकारी दिए । कमलबजारमा देखिएको सलह विनायकसम्म ठूलो झुण्डमा आउन थालेपछि विनायकमा पनि बाजा गाजा, थाला, ठटाएर भगाउने प्रयास गरिएको थियो ।
