थप १३९ जनामा कोरोना पुष्टि, ३ जनाको मृत्यु – Kanika Khabar
Tuesday, June 22Nepali News Portal

थप १३९ जनामा कोरोना पुष्टि, ३ जनाको मृत्यु

    मा प्रकाशित

कनिका खबर
साउन १२, दाङ ।

नेपालमा पछिल्लो २४ घन्टामा तीन जनाको कोरोना सङ्क्रमणका मृत्यु भएको छ । स्वास्थ्य तथा जनसंख्या मन्त्रालयले नियमित कोभिड–१९ सम्बन्धी जानकारी दिने क्रममा पछिल्लो २४ घन्टामा तीन जनाको कोरोना सङ्क्रमणका कारण मृत्यु भएको जानकारी दिएको हो । मन्त्रालयका प्रवक्ता डा. जागेश्वर गौतमका अनुसार बाराको फेटा गाउँपालिका वडा नम्बर ३ का ६० वर्षका पुरुषको आज बिहान उपचारको क्रममा त्रिवि शिक्षण अस्पतालमा मृत्यु भएको हो । उनले कोरोना सङ्क्रमित ती पुरुषमा मस्तिष्कघात, निमोनिया र मिर्गौलाका पीडित रहेको पनि बताए ।
यस्तै हिजो पर्साका एक जना ६५ वर्षका भारतीय नागरिकको गण्डक अस्थायी अस्पतालमा उपचारको क्रममा मृत्यु भएको छ भने हिजै धनुषाको शहिदनगर नगरपालिका ८ का ३६ वर्षका एक जना पुरुषको पनि कोरोना सङ्क्रमणका कारण मृत्यु भएको प्रवक्ता डा गौतमले बताए । कोरोना सङ्क्रमित ती व्यक्तिलाई स्वास्थ्यमा समस्या भएपछि थप उपचारका लागि धरान लैजाने क्रममा बाटोमै मृत्यु भएको डा. गौतमले बताए । योसँगै प्रदेश नम्बर २ मा मात्रै कोरोना सङ्क्रमणका कारण मृत्यु हुनेको संख्या १२ पुगेको छ भने नेपालमा मृत्यु हुनेको संख्या ४८ पुगेको छ । यस्तै पछिल्लो २४ घन्टामा १ सय ३९ जना नयाँ कोरोना सङ्क्रमित थपिएका छन् ।
डा. गौतमले विभिन्न २७ वटा प्रयोगशालामा गरिएको परीक्षणमा १ सय ३९ जनामा कोरोना सङ्क्रमण पुष्टि भएको भन्दै नेपालमा कोरोना सङ्क्रमितको संख्या १८ हजार ७ सय ५२ पुगेको बताए । यस्तै पछिल्लो २४ घन्टामा ६ सय २३ जना कोरोना सङ्क्रमित स्वस्थ भएका छन् । नेपालमा हालसम्म कोरोना सङ्क्रमणपछि निको हुनेको संख्या १३ हजार ७ सय ५४ पुगेका छन् ।

"कानिका खबर डट कम"

याे नेपाली भाषाकाे डिजीटल पत्रिका हो । हामी तपाईहरुका सामु छुटै महत्वको साथ समाचार पस्कदै छाैं । हामी सधैं तपाईको सल्ला र सुझावकाे लागी अपेक्षा गर्दछाैं । हामीलाई पछ्याउनुभएकोमा धन्यवाद । हरपल तपाइको समाचार साथी कानिका खबर  [Email : [email protected]]

     
प्रतिक्रिया दिनुहोस्