मा प्रकाशित
काठमाडौँ, ८ वैशाख ।
जारी शिक्षक आन्दोलनले कक्षा १२ को परीक्षालाई अनिर्णयको बन्दी बनाएको छ । राष्ट्रिय परीक्षा बोर्डले कक्षा १२ को पूर्वनिर्धारित परीक्षाबारे के हुने भन्नेबारे भोलि मंगलबार मात्र निर्णय गर्ने भएको छ ।
तीन हप्तादेखि जारी शिक्षक आन्दोलन, सोमबार शिक्षामन्त्री विद्या भट्टराईबाट भएको राजीनामा लगायतले विद्यार्थी तथा अभिभावकहरु माझ अन्यौल भइरहेको विषयमा बोर्डले आवश्यक निर्णय गर्नको लागि भोलि मंगलबार बिहान ८ बजे बैठक बोलाइएको अध्यक्ष डा. महाश्रम शर्माले बताएका छन् । भोलि बस्ने बैठकले कक्षा १२ को परीक्षाको बारेमा ठोस निर्णय गर्ने छ ।
