मा प्रकाशित
कनिका खबर
साउन १४, दाङ ।
शैक्षिक सत्र २०७६ को एसइइ नतिजा एकहप्तामा सार्वजनिक हुने भएको छ । राष्ट्रिय परीक्षा बोर्डले एसइइ नतिजा प्रकाशनको तयारी अन्तिम चरणमा पुगेको बताएको छ । आगामी एक हप्ताभित्र नतिजा सार्वजनिक गर्ने गरी तयारी भईरहेको बोर्डले जनाएको छ ।
नोवेल कोरोना भाइरस (कोभिड–१९) का कारण एसईई नहुने भएपछि विद्यालयले गरेको आन्तरिक मूल्यांकनको आधारमा नतिजा सार्वजनिक गर्न लागिएको हो । विद्यालयहरूले जिल्ला समन्वय इकाइ मार्फत बोर्डमा पठाएको अंकलाई रुजु गरेर नतिजा प्रकाशन गरिनेछ ।