मा प्रकाशित
कनिका खबर
साउन १५, कालिकोट ।
कालीकोटको सान्नी त्रिवेणि गाउँपालिकामा पहिरो जाँदा दुईजनाको मृत्यु भएको छ । गाउँपालिकाको वडानम्बर–६ बुढागाउँका ६० वर्षका पर्शुराम संज्याल र २८ वर्षका तारा संज्यालको मृत्यु भएको हो । आज बिहान खानेपानीको विग्रिएको पाइपलाइन बनाउने जाने क्रममा लालिखोला गएको बेला पहिरोमा परी मृत्यु भएको हो ।
एसएसपी बास्तोलाका अनुसार पर्शुराम संज्याल पहिरोमा परी गम्भीर घाइते भएका थिए । उनको उपचारका क्रम्मा मृत्यु भएको थियो । पहिरोमा परी बेपत्ता भएका तारा संज्यालको भने शव निकालिएको प्रहरीले जनाएको छ । हिजो मात्रै कालीकोटकै नरहरिनाथ गाउँपालिकामा पहिरोमा परेर एकै परिवारका सात जनासहित नौ जनाको मृत्यु भएको थियो ।
